Шминкерот на најголемите светски ѕвезди Џејк Бејли, извршил самоубиство, јавуваат светските медиуми. Мејкап артистот бил пронајден во неговиот дом во Лос Анџелес, а починал од труење со јаглерод моноксид.
Телото во петокот го пронашол неговиот асистентт, кој повикал брза помош. Засега се смета дека Бејли извршил самоубиство, пишува порталот „ТМЗ“. Шминкерот имал 37 години, и импресивна кариера.
Тој веќе со години е еден од најпознатите шминкери во шоубизнисот. Меѓу постојаните клиентки му биле Кејти Пери, Селена Гомез, Наоми Вотс, Џулијан Мур, Парис Хилтон, Анџелина Џоли, Оливија Вајлс, а ја шминкал и Мараја Кери.
Многу од нив со него се дружеле приватно и објавувале заеднички фотографии на социјалните мрежи.
