Една жена загина, а уште три лица се исчезнати во новите поплави што ја зафатија источна Србија.
Поради огромните поплави и лизгања на земјиштето прогласена е вонредна состојба во општините Кладово, Мајданпек и Неготин, а припадниците на спасувачките екипи продолжуваат со евакуацијата на населението од најзагрозените подрачја. Досега се евакуирани над 500 лица.
Заради огромните поплави и лизгања на земјиштето прогласена е вонредна состојба во општините Кладово, Мајданпек и Неготин, а припадниците на спасувачките екипи продолжуваат со евакуацијата на населението од најзагрозените подрачја. Досега се евакуирани над 500 лица.
Ова моментално се најзагрозените места во Србија:
1. Текија
Тешката ситуација во местото Текија, кое е отсечено од остатокот од Србија, ги принудила жителите да апелираат да им се достави храна и вода.
Покрај тоа, неопходни им се и пумпи за извлекување на водата од поплавените куќи.
Пристапноста е навистина тешка. последиците од невремето во Текија се катаклизмички бидејќи поплавите однеле цели мостови, нанеле талог насекаде па последователно многу дрва се откорнале од корен.
Грабовица и понатаму е под вода и ова село букавлно е отсечено од светот.
2. Кладово
Претседателот на општина Кладово, Радован Арежин, изјавил за FoNet дека во силното невреме и поплавите кои ја зафатиле во понеделникот оваа општина настрадала една женичка (84), а три лица се сметаат за исчезнати. Поради изливање на реката имало многу одрони на земјиште па Кладово од понеделникот исто така е непристапно.
3. Неготин и Мајданпек
Вонредна ситуација е прогласена и во Неготин и во Мајданпек. За време на ноќта биле евакуирани околу 370 лица, а дождот никако не престанувал. Во загрозените области биле испратени дополнителни сили за спасување, а била вклучена и хеликоптерска единица МУП и Горската служба за спасување.
