НАТО бомбардирањето на тогашната Југославија траеше 11 недели и однесе, според некои извори, дури 4000 животи.
Но, и понатаму ќе остане најголема „државна тајна“ дека пилотите на тогашната Војска на Југославија ги нападнале НАТО базите, а пред се оние во Тузла (БиХ) и Тирана (Албанија)
Најголемата приказна за време на бомбардирањето во СРЈ 1999 година, за која слушнале сите Срби, се оние поврзани со нападите на тогашната Војска на Југославија на аеродромите во Тузла и Тирана, каде биле стационирани НАТО силите. Но, овие наводи никој не ги потврдил и ќе останат најверојатно вечна мистерија.
Воениот аналитичар Мирослав Лазански вели дека нема никаква потврда дека навистина се случил овој напад, и тврди дека тоа е уште еден од митовите кои ги направиле српските медиуми.
