Вселенскиот брод „Сојуз“ со руски, американски и канадски астронаут денеска беше лансиран од вселенската станица Бајконур во Казакстан.
– Бродот „Сојуз“ успешно без грешки испратен е во орбитата, соопшти Руската вселенска агенција Роскомос. Во вселенскиот брод се наоѓаат рускиот астронаут Роман Ромањенко, астронаут на НАСА – Томас Маршберн и астронаут од Канадската вселенска агенција Крис Хадфилд.
„Сојуз“ би требало да стигне до Меѓународната вселенска станица на 21 декември попладне, а Хадфилд на кого ова му е веќе трето патување во вселената, ќе ја преземе командата над леталото, како прв Канаѓанин на оваа позиција, стои на сајтот на НАСА.
