Мадона и помогна на една девојка да го направи запросувањето незаборавно. Освен што во оваа приказна е необично што девојката го запроси дечкото – наместо обратно, интересно е што тоа го направи со помош на Мадона и нејзиниот микрофон пред илјадници луѓе.
Запросувањето се случи на концертот на Мадона во Амстердам на 8 јули. На видео снимката поставена на youtube се гледа како Мадона ја прашува девојката ,, Сакаш да го запросиш пред неколку илјадници луѓе?,, Откако возбудената девојка одговори ДА, Мадона и го подаде микрофонот, но ја предупреди ,, немој да ми се излигавиш над микрофонот,, а потоа го праша момчето – Дали ја сакаш? откако тој одговори потврдно девојката пред преполната сала во Амстердам го запроси своето момче.
Момчето рече ДА и публиката еруптираше додека на огромниот видео бим двојката се бакнуваше.
Мадона им подели и неколку совети како да се однесуваат во бракот.
