СО СВОЕТО МАГАРЕ- РАМБО ВЕЧЕРВА ПРИСТИГНУВА ВО БИТОЛА


Вечерва во Битола пристигнува славниот црногорски евровизиски претставник Рамбо Амадеус кој утревечер настапува на големиот музички хенпенинг во рамките на фестивалот „Битола отворен град 2012“.

Хрватската панк-рок атракција „Хладно пиво“, која во Битола ќе пристигне во текот на утрешниот ден (25 август), заедно со Rambo Amadeus & Broken Beat Sextet се носители на музичкиот набој на главниот музички хепенинг, во кo-организација и партнерство на МКЦ-Битола и промотерската куќа Fresh Union, кој традиционално се одржува во рамките на „Битола отворен град“. Покрај нив ќе настапи и домашниот состав „Фолтин“.
“Хладно Пиво” ексклузивно и премиерно настапува во Битола. Концертот на Ракометното игралиште е со почеток во 21 часот.
Фестивалот во изминатите неколку години собира над 5000-на публика која доаѓа на главниот музички хепенинг од земјата и соседните држави, како и неколку кратно повеќе посетители на останатите фестивалски содржини. Таков интерес се очекува и на утрешниот музички хепенинг.

Со својот нагорен тренд во текот на 11-те години постоење, фестивалот уште еднаш го потврдува културниот бренд на Битола и овозможува креативен ангажман на голем број млади луѓе од земјата и странство.
Инаку, дел од фестивалската програма е и модната ревија “Рециклирачка мода” која вечерва (24 август) со почеток во 22.00 ч. ќе биде поставена под ведро небо на Широк Сокак во Битола. Автор на модната ревија е Катарина Рашиќ од Србија. Нејзина потесна специјалност е креирање фустани од рециклирани материјали. Со вакви креации се има претставувано на повеќе групни и самостојни изложби и модни ревии.

По модната ревија, вечерва на Широк сокак ќе биде поставено и уличното шоу на познатиот италијански аниматор, жонглер, акробат, кловн и театарски уметник Адо Сана-Адолиери. Вечерва се одржува и работилницата и изложба за фотографија на Alessandra Spano од Италија во 18.00 ч. во Кафе бар “Porta Jazz”. Насловена “4 faces_ cubi fotografici” работилницата ќе го претстави процесот на раѓање на фотографијата.
Фестивалот Битола Отворен Град 2012 е поддржан од ONE и Градоначалникот на општина Битола во рамките на Битолско културно лето Битфест.

Share Button

Tags: , , ,

MK News

Автор инфо

No comments yet.

Остави коментар

UA-33057274-1