,,Тој ниту побарал ниту ќе добиеше согласност за тоа од Владата за тоа да биде некакво владино чествување или негово испраќање на тоа место. Уште полошо е тоа што отиде со униформирани лица и на тој начин ги повреди чувствата на Македонците.,, изјави Груевски
Според него добро е што Бесими изразил жалење и се надева дека тоа што го направи не е храбро лидерство, туку само влошување на меѓуетничките односи.
По настанот Груевски го повикал Бесими на оттчет. Министерот му образложил дека сакал да се постигне помирување и имал позитивни намери.
– Чинот во Слупчане беше една приватна екскурзија на министерот за одбрана Фатмир Бесими или негова партиска задача, а денеска изразеното жалење во однос на тој настан можност за смирување на ситуацијата. Очигледно е дека се работи за еден лош чекор што беше направен, чекор којшто ниту бил дел од нашите поранешни разговори кога создававме коалиција и чекор којшто непријатно изненади многу луѓе и ги повреди чувствата на многу Македонци. Денешното негово жалење навистина може да е еден добар чекор којшто може да води кон една смирувачка ситуација, вели Груевски.
Но не ја прокоментира изјавата од Бесими дека не се кае и дека и во иднина ќе го се поклонува на споменици на ОНА.
