Македонците не ги користат парите од ИПАРД


Македонските земјоделци со разочарувачки резултати за користење на ИПАРД фондовите. Правилата и процедурите се најголемата пречка за поголема искористеност на европските фондови за инвестиции во земјоделството.

Парите од ИПАРД програмата кои на земјава и се достапни 2,5 години остануваат и понатаму слабо искористени. Има многу проблеми кои треба да се решат. Ова е заклучокот по состанокот на координативното тело за следење на ИПАРД програмата.

Во соработка со Европската комисија во наредниот период, ќе се работи на воведување нови мерки и зголемување на лимитите за побрзо искористување на европските фондови за инвестиции во земјоделството, кои и се достапни на Македонија до 2013 година. Како најголема пречка за апликантите претставуваат правилата и процедурите кои треба да ги исполнат. Потребна е подобра организација за поголема апсорпција на парите и затоа е потребно да се зголеми ефикасноста на институциите за обезбедување на потребната документација, беше истакнато на состанокот
.Според експертите потребен е нов инструмент со кој ќе се подигнат стандардите на земјоделскoто производство и ќе се задоволат критериумите за контролата и управување со парите од ИПАРД, што е чекор напред на патот за приближување кон Европската унија.

Министерот за земјоделство Љупчо Димовски истакна дека искористувањето на парите од ИПАРД програмата е предизвик за институциите кои се одговорни да ги спроведуваат фондовите, а уште повеќе за приватниот сектор.

Од декември 2009 година досега се објавени шест огласи и се потпишани 157 договори во вкупна вредност од 15 милиони евра, односно 7,5 милиони евра кофинансирање. Но, повлечени се само 2,4 милиони евра од вкупно достапните 50 милиони евра.

Share Button

Tags: , , ,

Александар Петрески

Автор инфо

No comments yet.

Остави коментар

UA-33057274-1