Во тек е голема полициска акција низ Македонија, досега се уапсени над десет лица, пишува Курир.
Според информациите уапсените се дел од голема организирана криминална група која веќе подолго време се занимава со компјутерки криминал и кражба на кредитни картички.
Следени биле од почетокот на годината и се прибирале информации и податоци кои довеле до апсењето. Истрагата траела подолго бидејќи лицата од Македонија имале помош и од странски земји. Краделе пари преку измами со кредитни картички подолг период. Досега се приведени 10 лица и извршен претрес на повеќе објекти. Од МВР потврдиле дека акцијата е во тек.
