Совршен изум што човековите чекори ги претвора во електрична енергија, дело на “Pavegen Systems Ltd”.
Трговскиот центар во Лондон е првото место во Британија каде што е поставен ваков плочник што со помош на кинетичка енергија од чекори создава електрицитет. Градот е преполн со стандардни плочки, така што обоените гумени плочки што светат при секое стапнување се вистинско освежување.
Апсорбираат кинетичка енергија и ја складираат во литиумска батерија или пак ја испраќаат до најблискиот електронски апарат. Уште покорисно, произведени се од рециклирани материјали. Нивниот рок на траење е 5 години или 20 милиони чекори.
